að stjórna eigin heilsu, heilsuborg.is, heilsulausnir

AÐ STJÓRNA EIGIN HEILSU

Vilt þú laga mataræðið og innleiða góðar venjur í daglegt líf?  Námskeiðið er ætlað þeim sem vilja leggja grunninn að  góðri heilsu með aðferðum sem virka til langtíma.


Hvað er hollt og hvað er óhollt? Alls staðar dynja á okkur skilaboð um lausnir sem eiga að bæta heilsuna og leysa allan vanda. Að stjórna eigin heilsu er lifandi fræðsla um fjölmörg atriði sem snerta heilsuna. Þátttakendum gefst tækifæri til að dýpka skilning á hinum ýmsu fullyrðingum um heilsu sem stundum virðast vefjast fyrir fólki frekar en styðja og vinna með eigin venjur um leið.

Unnið er á heildrænan hátt að bættri heilsu og líðan. Námstæknin er að bandarískri fyrirmynd* en sýnt hefur verið fram góðan árangur þeirrar nálgunar, bæði til að koma blóðsykrinum í jafnvægi og við þyngdarstjórnun.

Námskeiðið er hluti Heilsulausna, vinsælasta námskeiðs Heilsuborgar frá upphafi, en hægt er að sitja það eitt og sér.

Í upphafi námskeiðs er gerð mæling með líkamsgreiningartæki sem nemur ástand líkamans, grunnbrennslu, samsetningu hans (vöðvamassa, fitu ofl.) Einnig er mældur blóðþrýstingur, púls, handstyrkur og mittismál auk þess sem þátttakendum býðst að fara í mælingu á blóðfitum og blóðsykri. Þannig eru nokkrir af helstu áhættuþáttum heilsunnar skoðaðir og veittar eru persónulegar ráðleggingar um hvað hægt er að gera til að bæta heilsuna og fyrirbyggja heilsubrest.

Lögð er áhersla á leiðir til að auka hreyfingu og koma reglu á mataræði. Þá er unnið að því að innleiða góðar venjur í mataræði jafnt sem hreyfingu. Hugarfar og daglegar venjur skipta öllu máli ef árangurinn á að verða varanlegur. Þess vegna leggjum við áherslu á sjálfstyrkingu og jákvætt hugarfar með markvissri uppbyggingu. Hugað er að streituvöldum, slökun og góðum svefni.

Hópurinn hittist 90 mínútur annan hvern fimmtudag. Uppselt er kl. 16:30 – 18:00 en ennþá sæti laus kl. 18:15 – 19:45.

Þú getur fylgst með raunverulegum árangri
Til að meta árangur námskeiðsins verður líkamssamsetning þátttakenda mæld reglulega með líkamsgreiningartæki sem sýnir m.a. samsetningu vöðvamassa og fitu. Út frá niðurstöðunum er orkuþörf hvers og eins áætluð. Einnig verða spurningalistar notaðir til að meta heilsu og líðan á námskeiðstímanum. Einstaklingsviðtal við hjúkrunarfræðing er innifalið í námskeiðinu.

Sidekick heilsuappið
Boðið er upp á heilsuappið Sidekick til að auka árangurinn enn frekar. Þannig er hægt að takast á við skemmtilegar áskoranir og einföld verkefni og fá um leið hvatningu og stuðning frá leiðbeinendum. Fyrir hvern tíma fær hópurinn sent myndband og fræðslupistla sem unnið er með í tímum. Lokuð Facebook síða er aðgengileg hópnum fyrir umræður og fræðslupistla. Athugið að snjallsímar og Facebook eru þó engin forsenda þátttöku á námskeiðinu.

Að námskeiðinu standa hjúkrunarfræðingar, íþróttafræðingar, læknar, næringarfræðingar, sjúkraþjálfarar og sálfræðingar auk Sólveigar ástríðukokks (Lífsstíll Sólveigar) sem verður með sýnikennslu, smakk og góðar uppskriftir. Sólveig hefur sjálf reynslu af því að breyta lífi sínu, en hún var þátttakandi í Heilsulausnum 2011-2012.

Næsta námskeið hefst 13. september 

*Námskeiðið National Diabetes Prevention Program (NDPP) frá Center for Disease Control and Prevention (CDC) í Bandaríkjunum hefur verið starfrækt um árabil. Það er upphaflega ætlað einstaklingum með skert sykurþol til að koma í veg fyrir sykursýki. Komið hefur í ljós að þessi aðferð hentar vel til að fyrirbyggja sjúkdóma en hún sýnir líka mikinn árangur fyrir einstaklinga sem komnir eru með sykursýki, offitu eða hjarta- og æðasjúkdóma. Leiðbeinendur námskeiðsins í Heilsuborg hafa fengið sérstaka þjálfun til að stýra námskeiðinu sem er það fyrsta sinnar tegundar hér á landi.

Erla Gerður Sveinsdóttir
læknir

Kristín Friðriksdóttir
hjúkrunarfræðingur

Marianna Csillag
hjúkrunarfræðingur

Sólveig Sigurðardóttir
ástríðukokkur og leiðbeinandi

STUNDASKRÁ


Annan hvern fimmtudag kl. 16:30-18:00 (uppselt)
eða kl. 18:15-19:45
Opnir símatímar hjá hjúkrunarfræðingi Auglýst síðar

VERÐSKRÁ


6 mánuðir, verð á mánuði 14.900 kr
6 mánuðir alls 89.400 kr

KAUPA NÁMSKEIÐIÐ

INNIFALIÐ

  • Fjölbreytt fræðsla og umræður, 90 mín í senn, 10 skipti
  • Fræðsla um þyngdarstjórnun og næringu
  • Hvatning og hugmyndir um hentuga hreyfingu
  • Fræðsla um andlega líðan, sjálfsmynd, streitu og svefn
  • Skoðun áhættuþátta heilsunnar og ráðleggingar
  • Heilræði um matseld, uppskriftir og smakk
  • Upphafsviðtal við hjúkrunarfræðing í 20 mínútur
  • Einstaklingsbundnar ráðleggingar hjúkrunarfræðings
  • Reglulegar mælingar á líkamssamsetningu
  • Útreikningar á orkuþörf
  • Vikulegir opnir mælingatímar hjá hjúkrinarfræðingi
  • Símatími hjúkrunarfræðings
  • Sidekick heilsuforritið, kennsla og stuðningur
  • Myndbönd og pistlar
  • Stuðningur í lokuðum hóp á Facebook
2018-09-17T15:00:50+00:00