Heilsulausnir, Heilsuborg

HEILSULAUSNIR

Ætlar þú að taka næsta skref í átt að betri heilsu?

Heilsulausnir eru ætlaðar þeim sem vilja þjálfa líkama og sál til betri heilsu. Nálgunin er heildræn, þar sem unnið er með hreyfingu, mataræði, matarvenjur og hugarfar. Áhersla er lögð á að samtvinna breytingarnar daglegu lífi þátttakenda og öðast árangur sem endist. Heilsulausnir eru ársnámskeið sem skipt er upp í tvo sex mánaða áfanga.

Þríþætt nálgun:

  • Hreyfing í hóp þrisvar í viku undir leiðsögn þjálfara. Þú velur þinn tíma og lærir hvaða hreyfing hentar þér. Frjáls aðgangur að líkamsræktinni og spennandi opnir tímar.
  • Fræðsla og stuðningur. Fjölbreytt fræðsla þar sem þátttakendur eru virkir og vinna hver að sínum markmiðum. Lokuð facebooksíða er aðgengileg fyrir hópinn þar sem við styðjum hvert annað. Sidekick heilsuforritið hjálpar þér til að halda utanum þín verkefni, takast á við áskoranir og fylgjast með árangrinum á einfaldan og skemmtilegan hátt. Fræðsla er 90 mínútur annan hvern fimmtudag. Í boði eru tvær tímasetningar, kl. 16:30 – 18:00 og 18:15 – 19:45.
  • Mælingar og ráðgjöf. Í upphafi námskeiðs er 20 mínútna upphafsviðtal við hjúkrunarfræðing þar sem gerð er mæling með líkamsgreiningartæki sem nemur ástand líkamans, grunnbrennslu, samsetningu hans (vöðvamassa, fitu ofl.) Einnig eru blóðþrýstingur og mittismál mæld, auk þess sem þátttakendum býðst að fara í mælingu á blóðfitum og blóðsykri (gegn aukagjaldi). Hliðstæðar mælingar eru gerðar á tveggja mánaða fresti allan námskeiðstímann. Auk þess bjóðast opnir mælingatímar og hægt er að hafa samband við hjúkrunarfræðing í opnum símatíma. Í upphafi er jafnframt viðtal við íþróttafræðing þar sem farið er yfir persónuleg markmið og líkamsástand. Á þennan hátt eru nokkrir af helstu áhættuþáttum heilsunnar skoðaðir og veittar eru persónulegar ráðleggingar um hvað hægt er að gera til að bæta heilsuna og fyrirbyggja heilsubrest.

Á námskeiðinu lærir þú að borða hollan og góðan mat reglulega og njóta hans en stjórna samt blóðsykrinum og þyngdinni. Um leið þjálfar þú upp góðar daglegar venjur. Í Heilsulausnum er ekkert bannað og ekkert svelti. Þú lærir líka hvaða hreyfing hentar þér, því auðvitað er fólk afar misjafnt. Áhersla er á sjálfsstyrkingu og jákvætt hugarfar. Hugað er að streituvöldum, slökun og góðum svefni.

Útkoman er spennandi, fjölbreytt námskeið með stuðningi og handleiðslu svo þú getir gert allt sem í þínu valdi stendur til að halda góðri heilsu.

Heilsulausnir eru ársnámskeið. Því er skipt í tvo 6 mánaða áfanga. Hægt er að taka hvorn áfangann fyrir sig. Einnig er hægt er að koma eingöngu á fræðsluhluta námskeiðsins.

Fyrra fræðslunámskeiðið nefnist „Að stjórna eigin heilsu“. Fræðslufundir eru u.þ.b. aðra hverja viku, 90 mín í senn. Þar vinnum við markvisst að því að koma reglu á daglegar venjur og mataræði. Við finnum líka tíma fyrir reglulega hreyfingu og vinnum að því að byggja upp góða líðan á líkama og sál. Fyrir fræðslufundina færð þú send myndbönd og fræðslupistla sem unnið er með í tímunum. Sidekick appið kemur hér verulega við sögu en er þó engin forsenda þess að ná árangri á námskeiðinu

Í seinni hluta Heilsulausnanámskeiðsins kallast fræðslunámskeiðið „Léttara líf“. Þar hittumst við u.þ.b. hálfsmánaðarlega í 90 mín í senn. Við höldum áfram og förum dýpra í þessa þætti til að festa heilbrigðan lífsstíl enn betur í sessi. Þar erum við farin að fikra okkur lengra með mataræðið. Sólveig ástríðukokkur (lífsstíll Sólveigar) verður með sýnikennslu og matarsmakk til að auðvelda okkur það verkefni. Hér horfum við líka innávið og þjálfum hugann til að vinna með okkur.

Tæplega fjögur þúsund manns hafa nýtt sér Heilsulausnir með góðum árangri. Þetta vinsæla námskeið er í stöðugri þróun hjá Erlu Gerði Sveinsdóttur heimilislækni og öðru starfsfólki Heilsuborgar, þar sem löng reynsla og ný þekking fléttast saman.

Í Heilsulausnum notum við nýja námstækni að bandarískri fyrirmynd*. Sýnt hefur verið fram á að sú nálgun stuðlar að góðum árangri til að ná jafnvægi á blóðsykri og þyngdarstjórnun. Við fléttum þessa nýju námstækni inn í gömlu góðu Heilsulausnirnar.

Að námskeiðinu standa hjúkrunarfræðingar, íþróttafræðingar, læknar, næringarfræðingar, sjúkraþjálfarar og sálfræðingar, auk Sólveigar ástríðukokks (Lífsstíll Sólveigar) sem verður með sýnikennslu, smakk og góðar uppskriftir. Sólveig hefur sjálf reynslu af því að breyta lífi sínu, en hún var þátttakandi í Heilsulausnum 2011-2012.

Næstu námskeið í Heilsulausnum hefjast 29. október.

*National Diabetes Prevention Program (NDPP) frá Center for Disease Control and Prevention (CDC) í Bandaríkjunum hefur verið starfrækt um árabil. Námskeiðið er upphaflega ætlað einstaklingum með skert sykurþol til að koma í veg fyrir sykursýki. Komið hefur í ljós að þessi aðferð hentar vel til að fyrirbyggja sjúkdóma en hún sýnir líka mikinn árangur fyrir einstaklinga sem komnir eru með sykursýki, offitu eða hjarta- og æðasjúkdóma. Leiðbeinendur námskeiðsins í Heilsuborg hafa fengið sérstaka þjálfun til að stýra námskeiðinu sem er það fyrsta sinnar tegundar hér á landi.

Auður Hlín Rúnarsdóttir
íþróttafræðingur

Elva Björk Sveinsdóttir
íþrótta- og heilsufræðingur

Erla Gerður Sveinsdóttir
læknir

Guðni Heiðar Valentínusson
íþrótta- og heilsufræðingur

Íris Björk Ásgeirsdóttir
íþróttafræðingur

Kristín Friðriksdóttir
hjúkrunarfræðingur

Marianna Csillag
hjúkrunarfræðingur

Sólveig Sigurðardóttir
ástríðukokkur og leiðbeinandi

STUNDASKRÁ


Hópþjálfun er á mánudögum, miðvikudögum og föstudögum

kl. 07:20
kl. 18:30

Fræðsla er 90 mínútur annan hvern fimmtudag. Fyrsti fræðslutími er 13. september.

VERÐSKRÁ


Verð á mánuði fyrir 6 mánuði 30.210 kr
Verð á mánuði í 12 mánuði 24.980 kr
Verð á mánuði fyrir fræðsluna eingöngu, 6 mánuðir 14.900 kr

KAUPA HEILSULAUSNIR

INNIFALIÐ Í FYRRI HLUTA NÁMSKEIÐS

  • Þjálfun í hóp undir leiðsögn íþróttafræðings þrisvar í viku
  • 20 mínútna upphafsviðtal hjá hjúkrunarfræðingi
  • 20 mínútna upphafsviðtal hjá íþróttafræðingi
  • Reglulegar mælingar á líkamssamsetningu
  • Einstaklingsbundnar ráðleggingar hjúkrunarfræðings
  • Fjölbreytt fræðsla og umræður á tveggja vikna fresti (10 skipti sem dreifast á 5 mánuði)
  • Fræðsla um þyngdarstjórnun og næringu
  • Fræðsla um andlega líðan, sjálfsmynd, streitu og svefn
  • Skoðun áhættuþátta heilsunnar og ráðleggingar
  • Heilræði um matseld, uppskriftir og smakk
  • Hvatning og hugmyndir um hentuga hreyfingu
  • Opnir mælingatímar hjá hjúkrunarfræðingi
  • Símatími hjúkrunarfræðings
  • Myndbönd og pistlar
  • Stuðningur í lokuðum hóp á facebook
  • Sidekick heilsuforritið, kennsla og stuðningur
  • Aðgangur að líkamsræktinni, opnum tímum og opnum fyrirlestrum Heilsuborgar

INNIFALIÐ Í SEINNI HLUTA NÁMSKEIÐS

  • Þjálfun í hóp undir leiðsögn íþróttafræðings þrisvar í viku
  • 20 mínútna lokaviðtal hjá hjúkrunarfræðingi
  • Reglulegar mælingar á líkamssamsetningu
  • Fjölbreytt fræðsla á u.þ.b. tveggja vikna fresti
  • Opnir mælingatímar hjá hjúkrunarfræðingi
  • Símatími hjá hjúkrunarfræðingum
  • Pistlar
  • Sýnikennsla í matreiðslu, smakk og fjölbreyttar uppskriftir
  • Stuðningur í lokuðum hóp á facebook
  • Aðgangur að líkamsræktinni, opnum tímum og opnum fyrirlestrum Heilsuborgar
2018-09-17T16:05:16+00:00