Heilsurækt

Stoðkerfisskólinn í Heilsuborg

LineBreak
Stoðkerfisskólinn í Heilsuborg

Stoðkerfisskólinn er ætlaður þeim sem eiga í erfiðleikum með ýmis störf og líkamsþjálfun vegna stoðkerfisvandamála. Í Stoðkerfisskólanum er lögð áhersla á fræðslu um stoðkerfið og nemendum kenndar leiðir til uppbyggingar. Námið í Stoðkerfisskólanum miðar að því að bæta líkamsvitund, líkamsbeitingu og hreyfifærni. Nemendum er kennt að létta á einkennunum, þekkja eigin þolmörk og auka álagsþol sem stuðlar að auknu þreki, bæði í leik og starfi.

 

Eftir Stoðkerfisskólann eiga nemendur hans að skilja grunnatriði í líffæra- og lífeðlisfræði sem hjálpar þeim við að skilja hvernig líkaminn virkar og hvers hann þarfnast til að ná bata.

 

Markmið Stoðkerfisskólans er að efla hreyfigetu og auka sjálfstæði í þjálfun.

 

Stoðkerfisskólinn er samtals 24 tímar og stendur yfir í 8 vikur. Kennt er á mánudögum, miðvikudögum eða föstudögum kl. 13.00

 

Ef óskað er eftir einstaklings viðtali eða skoðun hjá sjúkraþjálfurum Stoðkerfisskólans samhliða Stoðkerfisskólanum, er greitt fyrir það skv. taxta Sjúkratrygginga Íslands fyrir tíma í sjúkraþjálfun. Mælt er með að bæta því við ef um flókin vandamál er að ræða, sérstaklega ef viðkomandi er ekki í einstaklings sjúkraþjálfun með Stoðkerfisskólanum.

 

Staðsetning: Heilsuborg, Faxafeni 14.

Kennarar: Hólmfríður B. Þorsteinsdóttir og Sigrún Konráðsdóttir sjúkraþjálfarar.

Verð: kr. 59.900

Innifalið:

  • 8 vikna námskeið 3 x í viku.
  • Mikil fræðsla um stoðkerfið og hvernig hægt er að örva bata þess og þar með lágmarka eða losna við verki.
  • Kennsla í réttri líkamsbeitingu við æfingar og algeng störf á heimili eða vinnustað
  • Æfingar og slökun
  • Aðgangur að opnum tímum og opnum fyrirlestrum í Heilsuborg
  • Aðgangur að vel búnum tækjasal Heilsuborgar (í 10 vikur)

Stoðkerfisskólinn fer næst af stað 3. maí.

Nánari upplýsingar í síma 560 1010 eða á [email protected]

LineBreak