Að stjórna eigin heilsu, heilsuborg.is

LÉTTARA LÍF

Námskeiðið er ætlað þeim sem hafa grunnþekkingu á næringu og hollu mataræði, vilja læra meira og festa í sessi jákvæðar breytingar á þessu sviði.

Námskeiðið er sjálfstætt framhald námskeiðsins Að stjórna eigin heilsu. Það er einnig hluti Heilsulausna, vinsælasta námskeiðs Heilsuborgar. Hér beinum við athyglinni að matreiðslu og innkaupum, auk þess sem við skoðum nánar hvaða áhrif mataræði hefur á heilsuna okkar.

Fræðslufundirnir eru alls tíu, 90 mín í senn og dreifast á 5 mánuði (eru á tveggja vikna fresti, frí yfir stórhátíðir og í júlí). Hér er Sólveig ástríðukokkur í essinu sínu og verður með sýnikennslu á ýmiskonar hollum, bragðgóðum og girnilegum réttum. Erla Gerður læknir sér svo um að útskýra tengsl mataræðisins við heilsuna. Að auki koma aðrir leiðbeinendur að námskeiðinu með ýmis konar fróðleik og verkefni, t.d. um innkaup, skipulag máltíða og aðra hagnýta þætti sem tengjast heilsu og mataræði.

Síðast en ekki síst mun Anna Sigurðardóttir sáfræðingur fjalla um hugarfar og styrkingu sjálfsmyndarinnar á sinn einstaka hátt, þannig að líkami og sál vinni í takt. Útkoman er fjölbreytt, skemmtilegt og bragðgott námskeið.

Að námskeiðinu standa hjúkrunarfræðingar, íþróttafræðingar, læknar, næringarfræðingar, sjúkraþjálfarar og sálfræðingar auk Sólveigar ástríðukokks (Lífsstíll Sólveigar) sem verður með sýnikennslu, smakk og góðar uppskriftir. Sólveig hefur sjálf reynslu af því að breyta lífi sínu, en hún var þátttakandi í Heilsulausnum 2011-2012.

Næsta námskeið hefst á nýju ári, nánar auglýst síðar. 

Anna Sigurðardóttir
sálfræðingur

Erla Gerður Sveinsdóttir
læknir

Kristín Friðriksdóttir
hjúkrunarfræðingur

Sólveig Sigurðardóttir
ástríðukokkur og leiðbeinandi

STUNDASKRÁ


Annan hvern þriðjudag kl. 17:30-19:15
Opnir mælingatímar hjá hjúkrunarfræðingi Auglýst síðar

VERÐSKRÁ


5 mánuðir heildarverð 74.500 kr
5 mánuðir, mánaðarverð 14.900 kr

KAUPA LÉTTARA LÍF

INNIFALIÐ

  • Fjölbreytt fræðsla á tveggja vikna fresti, 90 mín í senn, 10 skipti sem dreifast á 5 mánuði (frí yfir stórhátíðir og í júlí)
  • Sýnikennsla í matreiðslu, smakk og fjölbreyttar uppskriftir
  • Hugmyndir og heilræði um matreiðslu og innkaup
  • Verkfæri til að efla jákvætt hugarfar og öðlast sterka sjálfsmynd
  • Opnir mælingatímar hjá leiðbeinanda
  • Pistlar
  • Stuðningur í lokuðum hóp á facebook
2018-11-08T09:17:41+00:00
Vefsíðan notar vafrarakökur og Google analytics. Ok