Markviss hreyfing og mataræði, einstaklingsþjálfun, heilsuborg.is

MARKVISS HREYFING OG MATARÆÐI. EINSTAKLINGSNÁMSKEIÐ

Vilt þú bæta matarvenjurnar og æfa sjálfstætt en fá persónulegan stuðning, eftirfylgni og ráðgjöf frá fagfólki Heilsuborgar?
Markviss hreyfing og mataræði er 12 vikna einstaklingsnámskeið.


Markviss hreyfing og mataræði er ætlað þeim sem vilja fá persónulegan stuðning fagfólks við að gera jákvæðar breytingar á lífsstílnum. Hjúkrunarfræðingur hjálpar þér við að koma mataræði í réttan farveg og íþróttafræðingur skipuleggur þjálfunina og veitir stuðning.

Stuðningur við mataræði – ráðgjöf hjúkrunarfræðings
Í upphafi metur og greinir hjúkrunarfræðíngur stöðu þína með Heilsumati, þar sem er m.a. mældur blóðþrýstingur og mittismál og sérstakt líkamsgreiningartæki notað til að greina samsetningu líkamans. Tækið mælir einnig grunnefnaskiptin – og í kjölfarið er veitt ráðgjöf um hvaða orkumagn hentar og hvernig er æskilegt að dreifa orkunni yfir daginn til að líkaminn starfi í jafnvægi. Skilgreind er áætlun sem tekur mið af þinni stöðu og þínum markmiðum.

Veitt er vönduð ráðgjöf um næringu og æskilegt neyslumynstur. Hvaða þættir hafa áhrif á matarval? Fólk er ólíkt, farið er yfir helstu áskoranir tengdar þínu mataræði og unnið út frá því með því að finna leiðir til að auka hollustuna í hæfilegum skrefum. Ráðgjöfin heldur svo áfram með reglulegum einstaklingsviðtölum í 12 vikur til að innleiða þær breytingar sem lagt er upp með. Þar veita hjúkrunarfræðingar Heilsuborgar stuðning og gefa góðar leiðbeiningar.
Algengast er að fyrstu þrjú viðtöl eftir heilsumatið séu með viku millibili. Síðan lengist tími milli viðtala, fyrst eru tvær vikur og síðan þrjár milli viðtala. Þannig er veittur mikill stuðningur á meðan helstu breytingar eru gerðar en lengra á milli viðtala þegar verið er að festa þær í sessi.

Þjálfun með stuðningi íþróttafræðings
Á sama tíma heldur Íþróttafræðingur utan um þjálfun. Í upphafi setur hann upp þjálfunaráætlun út frá þörfum þínum og kennir þér að gera æfingarnar rétt. Þú æfir svo skv. þessari áætlun og hittir íþróttafræðinginn vikulega í 15 mínútur á tíma sem hentar. Þar farið þið yfir hvernig gengur og þjálfunaráætlunin er uppfærð og aðlöguð að því. Æfingarnar fara að mestu fram í tækjasal Heilsuborgar en ef áhugi er fyrir að blanda annars konar æfingaformi inn í áætlunina þá er það gert í samráði við íþróttafræðinginn. Þjálfunin stendur yfir í þrjá mánuði.

Þú getur keypt þjónustuna hér á netinu, í beinu framhaldi af því höfum við samband og finnum tíma sem þér hentar. Ath: Vegna mikilla vinsælda er fyrst hægt að komast í ráðgjöf um mataræði sem tilheyrir þessari þjónustu í janúar. Ef þú kaupir þjónustuna á vefnum tryggir þú þér pláss sem fyrst.  

Ef þú þarft að panta tíma eða afbóka einstaka tíma, skaltu hafa samband við móttöku Heilsuborgar.

Bára Sigurbjörg Ólafsdóttir
fagstjóri íþróttafræðinga og líkamsræktar

Guðni Heiðar Valentínusson
íþrótta- og heilsufræðingur

Kristín Friðriksdóttir
hjúkrunarfræðingur

Marianna Csillag
hjúkrunarfræðingur

Sissa Bjarglind Ingólfsdóttir
íþrótta- og heilsufræðingur

Sigríður Einarsdóttir
íþrótta- og heilsufræðingur

VERÐSKRÁ


Heildarverð 105.600 kr
Verð á mánuði 35.200 kr

KAUPA NÁMSKEIÐ

INNIFALIÐ

  • Heilsumat hjúkrunarfræðings: M.a. mæling á samsetningu líkamans og grunnefnaskiptum
  • Ráðgjöf um næringarþörf og hvernig best er að dreifa fæðunni yfir daginn
  • Regluleg viðtöl við hjúkrunarfræðing (7 x 30 mínútur), ráðgjöf og stuðningur
  • Einstaklingsmiðuð þjálfunaráætlun sett upp og kennd í upphafi
  • 12 vikur – þriggja mánaða kort í Heilsuborg.
  • 15 mín. viðtal við þjálfara í hverri viku (vigtun, mæting yfirfarin og markmið skoðuð)
  • Fullur aðgangur að opnum tímum og tækjasal ásamt opnum fræðslufyrirlestrum
2018-12-06T14:37:42+00:00
Vefsíðan notar vafrarakökur og Google analytics. Ok