Að stjórna eigin heilsu

14.900kr89.400kr

Vilt þú laga mataræðið og innleiða góðar venjur í daglegt líf? Alls staðar dynja á okkur skilaboð um lausnir sem eiga að bæta heilsuna og leysa allan vanda. Námskeiðið er ætlað þeim sem vilja stuðla að góðri heilsu með aðferðum sem virka til langtíma.

Námskeiðið er hluti Heilsulausna, vinsælasta námskeiðs Heilsuborgar frá upphafi, en hægt er að sitja það eitt og sér.
Hópurinn hittist reglulega og vinnur saman að þeim markmiðum sem hver þátttakandi setur sér. Fræðslan er 90 mínútur annan hvern þriðjudag.

Opnir mælingatímar ásamt símatíma hjúkrunarfræðings verða í boði á föstum tímum út námskeiðið. Þar fæst stuðningur og aukin aðstoð við þau verkefni sem þáttakendur vilja vinna með.

Vörunúmer: Á ekki við Flokkur: Merkimiðar: ,

Lýsing

Vilt þú laga mataræðið og innleiða góðar venjur í daglegt líf? Alls staðar dynja á okkur skilaboð um lausnir sem eiga að bæta heilsuna og leysa allan vanda.

Námskeiðið er ætlað þeim sem vilja stuðla að góðri heilsu með aðferðum sem virka til langtíma.
Námskeiðið er hluti Heilsulausna, vinsælasta námskeiðs Heilsuborgar frá upphafi, en hægt er að sitja það eitt og sér.


Hvað er hollt og hvað er óhollt? Að stjórna eigin heilsu er lifandi fræðsla um fjölmörg atriði sem snerta heilsuna. Þátttakendum gefst tækifæri til að dýpka skilning á hinum ýmsu fullyrðingum um heilsu sem stundum virðast vefjast fyrir fólki frekar en styðja og vinna með eigin venjur um leið.

Unnið er á heildrænan hátt að bættri heilsu og líðan. Námstæknin er að bandarískri fyrirmynd* en sýnt hefur verið fram góðan árangur þeirrar nálgunar, bæði til að koma blóðsykrinum í jafnvægi og við þyngdarstjórnun.

Í upphafi námskeiðs er lögð áhersla á leiðir til að auka hreyfingu og koma reglu á mataræði. Þá er unnið að því að innleiða góðar venjur í mataræði jafnt sem hreyfingu. Hugarfar og daglegar venjur skipta öllu máli ef árangurinn á að verða varanlegur. Þess vegna leggjum við áherslu á sjálfstyrkingu og jákvætt hugarfar með markvissri uppbyggingu. Hugað er að streituvöldum, slökun og góðum svefni.

Á þessu 6 mánaða námskeiði hittist hópurinn á tveggja vikna fresti og vinnur saman að þeim markmiðum sem hver þátttakandi setur sér. Fræðslan er 90 mínútur annan hvern þriðjudag, kl. 16:30 – 18:15 eða 18.15 – 19:45.

Þú getur fylgst með raunverulegum árangri
Til að meta árangur námskeiðsins verður líkamssamsetning þátttakenda mæld reglulega með líkamsgreiningartæki sem sýnir m.a. samsetningu vöðvamassa og fitu. Út frá niðurstöðunum er orkuþörf hvers og eins áætluð. Opnir mælingatímar ásamt símatíma hjá hjúkrunarfræðingi verða í boði á föstum tímum út námskeiðið.

Sidekick heilsuappið
Þeim sem það kjósa er boðið er upp á heilsuappið Sidekick til að auka árangurinn enn frekar. Þannig er hægt að takast á við skemmtilegar áskoranir og einföld verkefni og fá um leið hvatningu og stuðning frá leiðbeinendum. Fyrir hvern tíma fær hópurinn sent myndband og fræðslupistla sem unnið er með í tímum. Lokuð Facebook síða er aðgengileg hópnum fyrir umræður og fræðslupistla. Athugið að snjallsímar og Facebook eru þó engin forsenda þátttöku á námskeiðinu.

Að námskeiðinu standa hjúkrunarfræðingar, íþróttafræðingar, læknar, næringarfræðingar, sjúkraþjálfarar, markþjálfi og sálfræðingar auk Sólveigar ástríðukokks (Lífsstíll Sólveigar) sem verður með sýnikennslu, smakk og góðar uppskriftir. Sólveig hefur sjálf reynslu af því að breyta lífi sínu, en hún var þátttakandi í Heilsulausnum 2011-2012.

Námskeiðið Að stjórna eigin heilsu er fyrri fræðsluhluti námskeiðsins Heilsulausnir, sem inniheldur einnig líkamsrækt þrisvar í viku undir leiðsögn þjálfara.

*Námskeiðið National Diabetes Prevention Program (NDPP) frá Center for Disease Control and Prevention (CDC) í Bandaríkjunum hefur verið starfrækt um árabil. Það er upphaflega ætlað einstaklingum með skert sykurþol til að koma í veg fyrir sykursýki. Komið hefur í ljós að þessi aðferð hentar vel til að fyrirbyggja sjúkdóma en hún sýnir líka mikinn árangur fyrir einstaklinga sem komnir eru með sykursýki, offitu eða hjarta- og æðasjúkdóma. Leiðbeinendur námskeiðsins í Heilsuborg hafa fengið sérstaka þjálfun til að stýra námskeiðinu sem er það fyrsta sinnar tegundar hér á landi.

 

Frekari upplýsingar

Verð og greiðslur

Heildarverð, Mánaðargreiðslur pr. mánuð

Vefsíðan notar vafrarakökur og Google analytics. Ok