Heilsugöngur

24.900kr

Langar þig að upplifa náttúruna og fjöllin í kringum höfuðborgarsvæðið með leiðsögn og fræðslu?

Heilsugöngur eru 8 vikna námskeið, sérsniðið fyrir byrjendur í fjallgöngum og þá sem vilja komast út í náttúruna að hreyfa sig á fjölbreyttan hátt. Á námskeiðinu verður farið vandlega yfir grunnatriðin í fjallamennsku og sex fjöll toppuð. Heilsugöngur eru í samstarfi Heilsuborgar við Tinda Travel.

Námskeiðið stendur yfir í 8 vikur og byggir á tveimur fræðslutímum og sex göngum.
Athugið að þátttakendur þurfa að nota almennan búnað til útivistar, s.s. gönguskó og skjólgóðan fatnað. Einnig er skylda að nota göngubrodda (Esjubrodda) í þeim göngum sem verða í snjó eða hálku.

Komdu með okkur á toppinn!

Lýsing

Langar þig að upplifa náttúruna og fjöllin í kringum höfuðborgarsvæðið með leiðsögn og fræðslu?


Heilsugöngur eru 8 vikna námskeið, sérsniðið fyrir byrjendur í fjallgöngum og þá sem vilja komast út í náttúruna að hreyfa sig á fjölbreyttan hátt. Á námskeiðinu verður farið vandlega yfir grunnatriðin í fjallamennsku og sex fjöll toppuð. Heilsugöngur eru í samstarfi Heilsuborgar við Tinda Travel.

Námskeiðið byggir á tveimur fræðslutímum og sex göngum.

Fræðsla
Í fræðslunni er farið ýtarlega yfir göngutækni og úthald, öndun, fataval og útbúnað, næringu, hvernig finna má upplýsingar um bestu gönguleiðirnar ofl. Samstarfsaðilar verða kynntir, hjá þeim fæst afsláttur af þeim fjallgöngufatnaði og búnaði sem þátttakendur kunna að vilja eignast.

Námskeiðið byrjar á kynningu á því sem koma skal, hvernig hvað er lagt upp með og hvað þarf að hafa í huga frá upphafi. Eftir þessa kynningu hefjast göngurnar og fræðslan.

Fræðslufyrirlestrarnir verða haldnir í Heilsuborg 7. og 14. mars kl. 14.00.

Göngur
Í hverri göngu er verður gengið hærra og lengra en áður til að auka þol og tækni. Fararstjórarnir fræða þátttakendur á leiðinni. Hver ganga tekr ca 2 – 3 klst. og farið er yfir á þeim hraða sem öllum hentar.
Markmiðið er alltaf að njóta útiverunnar en ekki þjóta yfir.
11. mars: Mosfell (2 klst., 4 km.)
25. mars: Helgafell í Hafnarfirði (2,5 klst, 5,5 km.)
1. apríl: Úlfarsfell (2 klst., 4,5 km.)
8. apríl: Æsustaðafjall og Reykjafell (2,5 klst., 6 km.)
15. apríl: Húsfell og Valahnúkur (3 klst., 9 km.)
29. apríl: Blákollur í Jósepsdal (3 klst., 5 km.)

Göngurnar hefjast allar kl. 14.00 í anddyri Heilsuborgar og þaðan er haldið á áfangastað á einkabílum.

Athugið að þátttakendur þurfa að nota almennan búnað til útivistar, s.s. gönguskó og skjólgóðan fatnað. Einnig er skylda að nota göngubrodda (Esjubrodda) í þeim göngum sem verða í snjó eða hálku.

Vefsíðan notar vafrarakökur og Google analytics. Ok