Aníta Sif, næringafræðingur

Sigurlaug María Jónsdóttir, sálfræðingur

Sigurlaug lærði sálfræði við Háskóla Íslands, lauk BA gráðu árið 2001 og Cand.psych. gráðu árið 2005. Hún hlaut sérfræðiviðurkenningu í klínískri sálfræði árið 2016.

Sigurlaug hefur starfað sem sálfræðingur á geðsviði Landspítalans frá árinu 2006 (í tímabundnu leyfi þaðan sem stendur) og sinnt þar margvíslegum verkefnum, svo sem greiningarvinnu, einstaklings- og hópmeðferðum á göngu- og dagdeild, fjölskyldumálum, handleiðslu fagfólks og nema, fræðslu, ráðgjöf og teymisstjórnun. Sigurlaug hefur lengst af starfað í átröskunarteymi Landspítalans og sérhæft sig í meðferð átraskana og fylgikvillum þeirra. Hún hefur einnig víðtæka reynslu af greiningu og meðferð annarra geðrænna vandamála, s.s. kvíða, þunglyndis, líkamsskynjunarvanda, áfallastreituröskunar og persónuleikaröskunar þar sem hún notast við aðferðir hugrænnar og díalektískrar atferlismeðferðar, núvitundar og samkenndarnálgunar. Hún hefur auk þess sinnt stundakennslu á háskólastigi og tekið þátt í rannsóknarvinnu.

Sigurlaug hefur sótt margvísleg námskeið og vinnustofur sl. áratug, þ.á.m. leiðbeinendanámskeið í núvitund á vegum Oxford Mindfulness Centre, leiðbeinendanámskeið í Mindful eating-Concious living og sérhæfð HAM námskeið.

Sigurlaug er meðlimur í Sálfræðingafélagi Íslands, Félagi sérfræðinga í klínískri sálfræði, Félagi um hugræna atferlismeðferð og í stjórn Félags fagfólks um átraskanir.

Netfang: sigurlaug@heilsuborg.is
Sími: 5601010

2017-09-15T09:45:33+00:00
Vefsíðan notar vafrarakökur og Google analytics. Ok