svefnmælingar, heilsuborg.is, sérfræðiþjónusta

SVEFNGÆÐAMÆLINGAR

Vilt þú sofa betur? Svefngæðamælingar Heilsuborgar eru ætlaðar þeim sem hafa grun um að gæðum svefnsins sé ábótavant.


Svefninn er einn af hornsteinum góðrar heilsu ásamt reglulegri hreyfingu, góðri næringu og hugarró. Reyndar er ekki hættulegt fyrir heilsuna að missa svefn stöku sinnum en langvarandi truflun á svefni eykur hins vegar hættuna á heilsubresti. Langvinn svefntruflun getur aukið líkur á ýmsum sjúkdómum svo sem hjarta- og æðasjúkdómum, offitu, sykursýki 2 og þunglyndi.

SleepImage svefngæðamælirinn
Í Heilsuborg eru SleepImage svefngæðamælar notaðir til að mæla svefngæði. Þeir eru afar einfaldir í notkun. Sofið er með mælinn heima í tvær nætur. Sjálf mælingin er mjög einföld í framkvæmd en gefur miklar upplýsingar um gæði svefns. Hún gefur líka vísbendingar um mögulega svefnsjúkdóma svo sem kæfisvefn. Ef grunur er um kæfisvefn er gerð tilvísun í formlega greiningu og meðferð.

Að mælingu lokinni færðu sendar niðurstöður og ráðleggingar um næstu skref. Oft er þörf á viðtali við lækni til að fara yfir niðurstöðurnar og meta hvaða meðferð er heppilegust í framhaldinu.

Mælinn má svo áfram nota til að fylgjast með breytingum á gæðum svefnsins í kjölfar viðeigandi meðferðar.

Skráning í svefngæðamælingu
Svefngæðamælingar verða í boði frá 1. september. Þá getur þú keypt mælingu hér á netinu eða skráð þig í móttöku Heilsuborgar. Við höfum aftur samband við þig, gefum þér tíma og útskýrum nánar hvernig mælingin fer fram. Þú nærð síðan í svefngæðamælinn til okkar í móttökuna og sefur með hann á þér í tvær nætur. Að því loknu skilar þú mælinum aftur í Heilsuborg.

Athugið að svefngæðamælingarnar eru aðeins í boði fyrir fullorðna (18 ára og eldri). 

VERÐ


Svefngæðamæling og ráðleggingar um næstu skref 15.000 kr
Viðtal við lækni um niðurstöður (ekki innifalið í svefngæðamælingu) 9.500 kr

INNIFALIÐ

  • Mæling með Sleep Image svefngæðamæli í tvær nætur
  • Niðurstöður í tölvupósti og ráðleggingar um næstu skref
2018-07-17T11:41:54+00:00