JÁKVÆÐ SJÁLFSMYND

Þráir þú aukið sjálfsöryggi? Jákvæð sjálfsmynd er árangursríkt námskeið þar sem þátttakendur á fyrri námskeiðum hafa upplifað aukið sjálfsöryggi í lífi og starfi og í kjölfarið hafa kvíða- og þunglyndiseinkenni minnkað.

SKRÁNING

80.600kr

Hreinsa
Næsta námskeiðStaða námskeiðsTímasetningar
28. októberUppselt – biðlisti10:00 – 12:00 mánudagar

INNIFALIÐ

  • Einstaklingsviðtal (30 mínútur) við sálfræðing í upphafi námskeiðs
  • Vinna í hóp undir handleiðslu sálfræðinga. Átta skipti í tvo tíma í senn á mánudögum (kl 10-12)
  • Hugleiðsluæfingar sem byggja á hugmyndafræði núvitundar og samkenndar
  • Fræðsla um þróun sjálfsmyndar
  • Fræðsla um tengsl hugsana, tilfinninga og hegðunar
  • Þjálfun samkenndar og sáttar í eigin garð
  • Unnið að mótun lífsgilda
  • Unnið með ákveðni og sjálfsöryggi í samskiptum
Námskeið 1. Haustönn
03.09.19-29.10.19.
Þriðjudagar kl. 14:30-16:30
Námskeið 2. Haustönn
04.09.19-30.10.19.
Miðvikudagar kl. 10:30-12:30
Námskeið 3. Haustönn
28.10.19-16.12.19
Mánudagar kl. 10:00-12:00

Markmið námskeiðsins er að þróa samkennd í eigin garð (Self-compassion), upplifa tilfinningalegt jafnvægi og sátt. Með aukinni samkennd og núvitund (Mindfulness) í daglegu lífi öðlast þátttakendur sjálfsöryggi og jákvæðari sjálfsmynd.

Á námskeiðinu er byggt á nálgun samkenndarsálfræðinnar (Compassion Focused Therapy) og áhersla lögð á að styrkja sjálfsmynd hvers og eins.

Unnið er að því að þátttakendur læri að sýna sjálfum sér og öðrum samkennd þegar þeir takast á við erfiðleika og þjáningar. Með meiri skilningi á sjálfum sér og manneskjunni í heild öðlast þátttakendur aukna sátt og von. Áhugahvöt og drifkraftur eykst, sem gagnast sérstaklega vel þegar unnið er að því markmiði að lifa heilsusamlegu og hamingjuríku lífi. Jafnframt verður notast við núvitundaræfingar (mindfulness). Samkennd og núvitund hjálpa þátttakendum að auka þol gagnvart hvers kyns vanlíðan s.s lágu sjálfsmati, kvíða og þunglyndi.

Tímar eru í formi fyrirlestra, hóp- og einstaklingsverkefna og umræðna, auk hugleiðsluæfinga og heimaverkefna.

Næsta námskeið hefst 28. október. 

Athugið að áður en námskeiðið hefst fer sérhver þátttakandi í 30 mínútna forviðtal þar sem metið er hvort það henti viðkomandi eða hvort önnur námskeið eða þjónusta Heilsuborgar eigi betur við.

Share on facebook
Facebook
Share on twitter
Twitter
Share on print
Print

HEILSUBORG - ALLT ANNAÐ LÍF!

Scroll to Top